పెసిమిస్ట్ పెసిమిస్ట్ కాదు
భావజాలంలో జారిపోతూ గంతంలోనే గడిపేయకు
బ్రతుకు బండిని లాగిపట్టి ప్రగతి ఏదని ముసుగేయకు
మూసుకున్న తలుపు సందున మూరెడే కనిపించుమనకు
లేదు ప్రగతని లేదు జగతని మునక వేసి పడకేయకు
నిన్న లేనిది నేడు వుంది నేడు లేనిది ముందెన్నడో రానుంది
వుహకైన అందని అమోఘమైన అమృత ఫలాలు తేనున్నది
మనసు పొరల తెరలను తోలగించుకో వెలుగు రేఖలు తామే తొంగి చూస్తాయి
బద్దకాన్ని బలవంతగానైన వదిలించుకో బంగారు భవితవ్యం నీ ఒడిలో ఒరిగి పోతుంది
దారి తప్పిన బాట సారి బాట పట్టి నడువవోయి
ఏ ఇజాలు నిన్ను అంట జాలవు అన్ని నిజాలు నీవెంట వున్నాయి
మనసు తలుపులు తెరుచుకొని మనసార మనుగడ చేయవోయి
ఏ భయాలు భ్రాంతులు నిన్ను అంట జాలవు వెలుగు రేఖలు వెంటరాగ
( అన్ని విధాలా దెబ్బతిని అల్లాడి పోతున్న సోదరుల కొరకు )
