ఓ బంగారు తల్లి 
నీ లేత చేతులతో ఈ ప్రపంచంలోని ప్రేమ మొత్తం పొందినావు
అందుకేనేమో ఈ ప్రంపంచమంతా ఎదిగిన నీ పై ఆంక్షలు పెడుతుంది .
ఓ సుకుమార పడతి
అత్తా మామ లు భర్త పిల్లలు అనే భావబంధాలతో నిన్ను కట్టు బానిస చేసి కట్టి పడేస్తారు
ప్రేమ భాధ్యతలు అనే సంకెళ్ళతో నీ గృహాన్నే కార గృహం చేస్తారు .
ఓ గంగా భాగిరథి
నీ పిల్లలే నిన్ను ఇంటి కాపలా కుక్కను చేస్తారు నీవు వున్నా వన్న సృహ లేకుండా వుంటారు .
మంచాన పడ్డవా మంచినీల్లుయిన దొరకవు ఒక్కరు నీ కొరకు ముందుకు రారు .
ఓ వయస్సు వుడిగిన అవ్వా
రెక్కలొచ్చిన పిల్లలు ఎగిరిపోతారు తమకు చేతకాదని
వృద్ధ ఆశ్రం లో వదిలి పోతారు అన్ని వున్నా అనాధలా
నీవెపుడు పోతావో అని ఎదురు చూస్తారు అయ్యో పాపం అంటూ .
బహుశా ఈ బందానాల మమకారం నీలో చావాలని నీ రక్తం పంచుకున్న నీ పిల్లలు ఇలా చేస్తున్నారేమో
నీ ఫోటో ఒకటి వాల్ పేపర్ల లా వారి కంప్యుటరు లోనో లాపు టాపు లోనో పోస్ట్ చేస్తారు వారసులుగా నీ ఆస్తి కోసం .
