కాటుక కన్నులు కరువాయే జాజుల సిగలే లేవాయే
గాజుల గలగలలు ఎటుపోయే మొగ్గల సిగ్గులు ఏమాయే
నుదిటి కుంకుమలు కానరావాయే పెదవుల చిరునగవులు విరియవాయే
ముంగిట ముగ్గులు విచిత్రమాయే ముంగిళ్ళు లేని లోగ్గిల్లాయే
గడప నెరుగని గుమ్మాలు , గుమ్ము పాలే తాగని పిల్లలు
బాల్యం నెరుగని భావి పౌరులు భవిష్యత్తు పై భయాందోళనలు
కంప్యూటర్ల పై కసరత్తు కాగితాలపై భవిష్యత్తు
కాలువ సేద్యం కానరావు అరకలు మడులు సరిపోవు
నేలను విడిచిన సాము నింగికి నెగరని బ్రతుకులు
కుప్ప కూలుతున్నాయి సరుకేలేని స్టాకు మార్కెట్ లా
