బడుగు జీవులను

ఆకాశం

కరి గుంపు మేఘాలతో 

నిండు కడవల కుమ్మరించే వర్షం

ఆత్మీయుల

పోగొట్టుకున్న హృదయం

వర్షించే కడవలకొద్దీ కన్నీరు

గంగమ్మ వరదలలో చిక్కి చివికి పోయిన బతుకులెన్నో

బయటపడే దారి లేక ఆకలి దప్పుల అలమటించే హృదయాలు ఎన్నో

అయ్యా , ఆత్మా లింగా చాలును నీ లీలలు

కరుణించవయ్య మిగిలిన బడుగు జీవులను 

స్వర్గం అంటే ఇంతేనేమో

కొబ్బరాకుల 

సందుల 

జాలువారే నీరెండ 

మగత నిద్దురకు జోల పాడే 

విచ్చుకున్న 

కురుల సందుల 

వర్షించే చెలి చల్లని చూపులు   

నిదుర పోయే మనసుకు ఊయల ఊపే  

హాయీ అంటే ఇదే కదా , స్వర్గం అంటే ఇంతేనేమో 

నీరారవములు

అందనంత దూరంలో 

వినీలకాసంలో విచ్చుకున్న 

వెన్నల పారిజాతమా ...... 

అఘాదాల అంచులలో 

చీకటి పాతాళ బిలాలలో 

జాలువారే జలపాతమా .......

వేలి సందులలో జారిపోయే నీకు నిలకడేక్కడ 

నిట్టూర్పు నిశబ్ద నిసృహ నీరారవములు తప్ప  

శుభాకాంక్షలు

ఆకాశం 

ఎప్పుడు కోరదు 

తనను తనివితీరా కావలించుకోమని 

నీ ఎదుగుదలను చూసి మురిసిపోతుందే తప్ప 

ఆకాశం 

ఎప్పుడు కోరదు 

తనకు ఎప్పుడు రుణపడి ఉండాలని 

తను ఇవ్వటమే తప్ప నీకు అవసరమైన ప్రాణాధారలు

ఆకాశం లాంటి తండ్రికి తెలుపుదాము మనః శుద్దితో శుభాకాంక్షలు